ഇന്തോനേഷ്യയില്‍ ഫുട്ബോള്‍ മത്സരത്തിനിടെ ഉണ്ടായ തിക്കിലും തിരക്കിലും പെട്ട് 127 പേര്‍ കൊല്ലപ്പെട്ടു. ഫുട്ബാൾ സ്റ്റേഡിയത്തിൽ അക്രമമുണ്ടായതിന് പിന്നാലെയാണ് ആളുകല്‍ തിക്കിലും തിരക്കിലും പെട്ട് മരിച്ചത്. ബിആർഐ ലീഗ് വണ്ണിൽ കിഴക്കൻ ജാവയിൽ കാൻജുർഹാൻ സ്റ്റേഡിയത്തിൽ നടന്ന മത്സരത്തിലാണ് ദാരുണസംഭവം ഉണ്ടായത്.
മത്സരത്തിൽ തോറ്റ ടീമിന്റെ കാണികളാണ് അക്രമം നടത്തിയതെന്ന് കിഴക്കൻ ജാവ പ്രവിശ്യ പൊലീസ് മേധാവി നിക്കോ അഫിന്റ പറഞ്ഞു. കലാപകാരികളെ പിരിച്ചുവിടാൻ ടിയർ ഗ്യാസ് പ്രയോഗിച്ചുവെന്നും അദ്ദേഹം അറിയിച്ചു. ഇന്തോനേഷ്യ ഫുട്ബാൾ അസോസിയേഷൻ സംഭവത്തിൽ ഖേദം പ്രകടിപ്പിച്ച് രംഗത്തെത്തി. സംഭവത്തിൽ അന്വേഷണം നടത്താൻ പ്രത്യേക സംഘത്തേയും നിയോഗിച്ചു. സംഭവത്തെ തുടർന്ന് ലീഗിലെ മത്സരങ്ങൾ ഒരാഴ്ചത്തേക്ക് സസ്‍പെൻഡ് ചെയ്തു. അക്രമത്തിന്റെ വിഡിയോ ദൃശ്യങ്ങൾ സമൂഹമാധ്യമങ്ങളിലൂടെ പ്രചരിക്കുന്നുണ്ട്.
English Summary:Violence among spectators at football stadium in Indonesia; 127 people were killed
You may also like this video
