ക്രിക്കറ്റ് അസോസിയേഷന്‍ ഫൊര്‍ ദ ബ്ലൈന്‍ഡ് ഇന്‍ ഇന്ത്യ സംഘടിപ്പിക്കുന്ന കാഴ്ച പരിമിതരുടെ മൂന്നാമത് ലോക ടി20ക്കുള്ള ഇന്ത്യന്‍ സെലക്ഷന്‍ ക്യാമ്പിലേക്ക് മൂന്ന് മലയാളികളെ തിരഞ്ഞെടുത്തു. ഡിസംബറില്‍ ഇന്ത്യ ആതിഥേയത്വം വഹിക്കുന്ന കാഴ്ച പരിമിതരുടെ മൂന്നാമത് ലോക ടി20 ക്രിക്കറ്റ് മത്സരത്തിനുള്ള ഇന്ത്യന്‍ ടീമിന്റെ സെലക്ഷന്‍ ക്യാമ്പിലേക്കാണ് ഇവര്‍ക്ക് അവസരം ലഭിച്ചിരിക്കുന്നത്.
പാലക്കാട് സ്വദേശികളായ വിഷ്ണു എന്‍ കെ, ജിബിന്‍ പ്രകാശ്, വര്‍ക്കല സ്വദേശിയായ മനീഷ് എ എന്നിവര്‍ സെലക്ഷന്‍ ക്യാമ്പില്‍ പങ്കെടുക്കും. ജൂലൈ 10 മുതല്‍ 21 വരെ ബെംഗലൂവിലാണ് ക്യാമ്പ്. 2012 മുതല്‍ മനീഷ് ഇന്ത്യന്‍ ടീമില്‍ കളിക്കുന്നു. വിഷ്ണുവും ജിബിനും പുതുമുഖങ്ങളാണ്. സംസ്ഥാന തലത്തിലുള്ള മികച്ച പ്രകടനമാണ് ഇവരെ ഇന്ത്യന്‍ സെലക്ഷന്‍ ക്യമ്പിലേക്കെത്തിച്ചത്.
English Summary:Visually Impaired World T20: Three Malayalees to Indian Team Selection Camp
You may also like this video
