വിഴിഞ്ഞത്ത് ക്രമസമാധാനത്തിന് കേന്ദ്ര സേനയുടെ ആവശ്യമില്ലെന്ന് മന്ത്രി അഹമ്മദ് ദേവര്‍കോവില്‍ അറിയിച്ചു. പദ്ധതി പ്രദേശത്തിനകത്ത് കേന്ദ്രസേനയെ ആവശ്യപ്പെടുന്നതിൽ തെറ്റില്ല. കേരളം കേന്ദ്രസേനയെ ആവശ്യപ്പെട്ടില്ലെന്നും ആവശ്യപ്പെട്ടത് തുറമുഖ നിർമാണക്കമ്പനിയാണെന്നും മന്ത്രി പറഞ്ഞു. തുറമുഖ നിർമാണ പദ്ധതി നിർത്തിവെക്കണമെന്ന് പറയുന്നത് ബുദ്ധിയില്ലാത്തവരെന്നും മന്ത്രി പ്രതികരിച്ചു. കലാപ നീക്കത്തിൽ ബാഹ്യ ഇടപെടൽ ഉണ്ടോ എന്ന് അന്വേഷണത്തിലൂടെ പുറത്ത് വരുമെന്നും മന്ത്രി വ്യക്തമാക്കി.
ജനങ്ങളുടെ ഭൗതിക ജീവിതവുമായും നാടിന്റെ വികസനുവുമായും ബന്ധപ്പെട്ട പ്രശ്നങ്ങളിൽ ഇടപെടുന്നതും പരിഹാരം കാണുന്നതും ഒരു മതേതര-ജനാധിപത്യ രാജ്യത്ത് ഭരണ‑രാഷ്ട്രീയ നേതൃത്വമാവണമെന്നും അദ്ദേഹം പറഞ്ഞു.
English Summary: Vizhinjam does not require central forces: Minister Ahmed Devarkovil
You may also like this video
