വിഴിഞ്ഞം പൊലീസ് സ്റ്റേഷൻ ആക്രമണത്തിൽ പങ്കെടുത്തവർക്കെതിരെ കടുത്ത നടപടിക്കൊരുങ്ങി പൊലീസ്. കേസിലെ പ്രതികളുടെ പാസ്പോർട്ട് വിവരങ്ങൾ അടക്കം ശേഖരിക്കുന്ന അധികൃതർ ലുക്ക്ഔട്ട് നോട്ടീസ് നൽകാനുള്ള ശ്രമവും ആരംഭിച്ചു.
പൊലീസ് സ്റ്റേഷൻ അക്രമണത്തിൽ പങ്കെടുത്ത കണ്ടാലറിയാവുന്ന മൂവായിരത്തോളം പേരിൽ ആയിരം പേരെയാണ് തിരിച്ചറിഞ്ഞത്.
ഇവരില്‍ നാനൂറോളം പേരുടെ വ്യക്തമായ വിവരങ്ങൾ പൊലീസ് ശേഖരിച്ചു. എന്നാൽ അറസ്റ്റ് ഉടൻ ഉണ്ടാകില്ല. ക്രിസ്മസ് — ന്യൂ ഇയർ അവധി പ്രമാണിച്ച് വിദേശത്ത് നിന്ന് നാട്ടിൽ എത്തിയവരും സ്റ്റേഷൻ ആക്രമണത്തിൽ പങ്കെടുത്തതായാണ് രഹസ്യാന്വേഷണ വിഭാഗത്തിന് കിട്ടിയ വിവരം. ഇവർ രാജ്യം വിടുന്നത് തടയാനുള്ള ശ്രമങ്ങളും പൊലീസ് തുടങ്ങി. ഡിഐജി ആർ നിശാന്തിനിയുടെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്.
English Summary:Vizhinjam: Lookout notice will be issued
You may also like this video
