യുഎഇ മലയാളികളുടെ ഏറ്റവും വലിയ സാംസ്കാരിക സംഘടനയായ അബുദാബി കേരളാ സോഷ്യല്‍ സെന്ററിന്റെ പ്രസിഡന്റായി വി പി കൃഷ്ണകുമാറും വൈസ് പ്രസിഡന്റായി റോയ് ഐ വര്‍ഗീസും വീണ്ടും തെരഞ്ഞെടുക്കപ്പെട്ടു. ശക്തി തിയേറ്റേഴ്സിന്റെ പ്രതിനിധിയാണ് കൃഷ്ണകുമാര്‍. യുവകലാസാഹിതിയുടെ യുഎഇയിലെ സാരഥികളിലൊരാളും യുഎഇ സംഘടനാ കമ്മിറ്റിയുടെ കോ-ഓര്‍ഡിനേറ്റിങ് അസിസ്റ്റന്റ് സെക്രട്ടറിയുമാണ് റോയ്.
ഷെറിന്‍ വിജയനാണ് ജനറല്‍ സെക്രട്ടറി. നികേഷ് കുമാര്‍ വലിയവളപ്പില്‍ ട്രഷററും. കെ ബി ജയന്‍ (ഓഡിറ്റര്‍), ടി പി അയൂബ് (അസിസ്റ്റന്റ് ഓഡിറ്റര്‍), സുനില്‍ ഉണ്ണികൃഷ്ണന്‍, നിഷാം വെള്ളുത്തടത്തില്‍, പ്രദീപ് കുമാര്‍ കുറ്റിക്കോല്‍, റഫീഖ് ചാലില്‍ മുനമ്പത്ത്, ഇ എസ് ഉബൈദുള്ള, ഇ റഷീദ്, സജീഷ് സുകുമാരന്‍ നായര്‍, കെ സത്യന്‍, ഷബിന്‍ പ്രേമരാജന്‍ പ്രവര്‍ത്തക സമിതി അംഗങ്ങള്‍ എന്നിവരാണ് മറ്റ് ഭാരവാഹികള്‍.
യുഎഇ സാമൂഹ്യ ക്ഷേമ മന്ത്രാലയ പ്രതിനിധികളായ അബ്ദുള്ള അഹമ്മദ് ഹുസൈന്‍, മുഹമ്മദ് അല്‍ മുഹൈര്‍ബി, അഹമ്മദ് അബ്ദുള്ള ആദി എന്നിവരുടെ സാന്നിധ്യത്തില്‍ നടന്ന ജനറല്‍ബോഡിയില്‍ ലായിത അഹമ്മദ് വാര്‍ഷിക റിപ്പോര്‍ട്ടും സി കെ ബാലചന്ദ്രന്‍ വരവുചെലവു കണക്കുകളും എ എല്‍ സിയാദ് മുന്‍വര്‍ഷത്തെ പ്രവര്‍ത്തനങ്ങളുടെ റിപ്പോര്‍ട്ടും അവതരിപ്പിച്ചു.
യുഎഇ പ്രസിഡന്റ് ഷെയിഖ് ഖലീഫ ബിന്‍ സായിദ് അല്‍നഹ്യന്റെ വിയോഗത്തില്‍ റോയ് വര്‍ഗീസ് അവതരിപ്പിച്ച അനുശോചന പ്രമേയത്തോടെയാണ് ജനറല്‍ബോഡി യോഗം ആരംഭിച്ചത്. ലോക കേരളസഭാംഗം എ കെ ബിരാന്‍ കുട്ടി, യേശുശീലന്‍, ടി എം സലിം, ടി കെ മനോജ്, സി പി ബിജിത് കുമാര്‍, എന്‍ മോഹനന്‍ എന്നിവര്‍ യോഗത്തെ അഭിവാദ്യം ചെയ്തു.
English summary;VP Krishnakumar re-elected President of Abu Dhabi Kerala Social Center and Roy I. Varghese re-elected Vice President
You may also like this video;
