ഇസ്രയേലില്‍ കാണാതായ ബിജു കുര്യന്‍ നാളെ നാട്ടിലെത്തുമെന്ന് കൃഷി മന്ത്രി പി പ്രസാദ് പറഞ്ഞു. എന്താണ് സംഭവിച്ചതെന്ന് ബിജുവാണ് പറയേണ്ടതെന്നും തിരിച്ചുവരുന്നതില്‍ സന്തോഷമുണ്ടെന്നും മന്ത്രി മാധ്യമങ്ങളുടെ ചോദ്യങ്ങള്‍ക്ക് മറുപടി നല്‍കി. ഇസ്രയേലിലെ കൃഷിരീതികള്‍ പഠിക്കാന്‍ പോയ കര്‍ഷകരുടെ സംഘത്തിലെ അംഗമായ ബിജുവിനെ കഴിഞ്ഞ 16ന് രാത്രിയിലാണ് കാണാതായത്.
അതേസമയം, പുണ്യസ്ഥലങ്ങള്‍ സന്ദര്‍ശിക്കാനായിരുന്നു ബിജു സംഘത്തില്‍ നിന്നും വിട്ടുപോയതെന്നാണ് ഒടുവില്‍ പുറത്ത് വന്ന വിവരം. ജെറുസലേമും ബെത്‌ലഹേമും സന്ദര്‍ശിച്ച് കര്‍ഷക സംഘത്തിനൊപ്പം മടങ്ങാനായിരുന്നു ബിജുവിന്റെ പദ്ധതി. എന്നാല്‍ മടങ്ങിയെത്തും മുമ്പ് കര്‍ഷക സംഘം ഇസ്രയേല്‍ വിട്ടതോടെ ബിജു കുടുങ്ങുകയായിരുന്നുവെന്നാണ് റിപ്പോര്‍ട്ടുകള്‍.
English Summary; went to visit holy places; The farmer who went missing in Israel will return home tomorrow
You may also like this video
