പശ്ചിമ ബംഗാളിലെ ഹൗറയില്‍ പാർവതിപൂർ മേഖലയിൽ മകളുടെ സഹായത്തോടെ യുവതി ഭർത്താവിനെ കഴുത്തറുത്ത് കൊലപ്പെടുത്തിയ കേസിൽ അമ്മയും മകളും അറസ്റ്റിൽ. ബുധനാഴ്ചയാണ് സംഭവം. സ്വർണക്കട ഉടമയായ ഷെയ്ഖ് സലാം (55) ആണ് മരിച്ചത്.
ബുധനാഴ്ച രാത്രിയോടെ ഭാര്യ സുൽത്താന ബീഗം അയൽവാസികളെ വിളിച്ച് ഷെയ്ഖ് സലാമിന്റെ മരണവിവരം അറയിച്ചിരുന്നു. താനും മകളും പുറത്ത് പോയെന്നും തിരിച്ചെത്തിയപ്പോഴാണ് ഷെയ്ഖ് സലാമിനെ കട്ടിലിൽ മരിച്ച നിലയിൽ കണ്ടെത്തിയതെന്നുമാണ് അയൽവാസികളോട് സുൽത്താന പറഞ്ഞത്. അയൽവാസികളാണ് പൊലീസില്‍ വിവരമറിയിച്ചത്.
എന്നാൽ സംശയം തോന്നിയ പൊലീസ് രണ്ട് സ്ത്രീകളെയും കസ്റ്റഡിയിലെടുത്തു. ചോദ്യം ചെയ്യലിൽ അമ്മയും മകളും കുറ്റം സമ്മതിക്കുകയായിരുന്നു. മരിച്ചയാളുടെ ശാരീരിക പീഡനം സഹിക്കാൻ വയ്യെന്നും അതിനാൽ കൊലപ്പെടുത്താൻ തീരുമാനിക്കുകയായിരുന്നുവെന്നും ഇവര്‍ പൊലീസിനോട് പറഞ്ഞു. രണ്ട് പ്രതികളെയും അറസ്റ്റ് ചെയ്തതായും, കൂടുതൽ അന്വേഷണം പുരോഗമിക്കുകയാണെന്നും പൊലീസ് വൃത്തങ്ങള്‍ അറിയിച്ചു.
English summary;West Bengal: Woman, daughter held for strangling man to death in Howrah
You may also like this video;
