സൗജന്യ കോസ്മറ്റിക് ചികിത്സയ്ക്ക് വിധേയായതിനെത്തുടര്‍ന്ന് തനിക്ക് അബദ്ധംപറ്റിയതായി വെളിപ്പെടുത്തി യുവതി. ലോസ് ഏഞ്ചൽസിൽ നിന്നുള്ള ഒരു 27 ‑കാരി ജെസീക്കയാണ് സൗന്ദര്യവര്‍ധക ചികിത്സയ്ക്കുപോയി പണിവാങ്ങിയത്. ടിക് ടോക്ക് വീഡിയോയിലാണ്, ജെസീക്ക ബുർക്കോ തനിക്കുണ്ടായ ദുരനുഭവം തുറന്നു പറഞ്ഞിരിക്കുന്നത്. അതോടൊപ്പം നേരത്തെ ആറ് തവണ എങ്ങനെയാണ് താൻ ട്രീറ്റ്മെന്റിലൂടെ കടന്നു പോയത് എന്നും അവർ പറഞ്ഞു. ഏറ്റവും ഒടുവിലത്തെ ലിപ് ഫില്ലിംഗ് ഒരു മഹാദുരന്തമായി മാറി. ചുണ്ടുകൾ ചുവന്ന് വീർത്തു വന്നു.
വീഡിയോയിൽ നേരത്തെ തന്റെ ചുണ്ടുകൾ എങ്ങനെയാണ് ഇരുന്നത് എന്നും ജെസീക്ക പറയുന്നുണ്ട്. അതുപോലെ അവസാനത്തെ ഫില്ലിംഗ് തനിക്ക് സൗജന്യമായി ലഭിച്ചതാണ് എന്നും പുതിയ ഒരു ഡോക്ടറെയാണ് കണ്ടത് എന്നും ജെസീക്ക പറയുന്നു. പിറ്റേ ദിവസം വീണ്ടും ക്ലിനിക്കിൽ പോയി എങ്കിലും അതിലും മോശമായി മാറുകയായിരുന്നു അവസ്ഥയെന്നും ജെസീക്ക പറയുന്നു. കരഞ്ഞുകൊണ്ടാണ് തനിക്കുണ്ടായ ദുരനുഭവം ജസീക്ക പങ്കുവച്ചിരിക്കുന്നത്.
English Summary: When I heard about free cosmetic treatment, I jumped at it, and it ended up like this: Woman reveals bad experience
You may also like this video
