ന്യൂഡല്‍ഹി റെയില്‍വേ സ്റ്റേഷനില്‍ യുവതി വൈദ്യുതാഘാതമേറ്റ് മരിച്ചു. കിഴക്കൻ ഡല്‍ഹിയിലെ പ്രീത് വിഹാർ സ്വദേശിയായ സാക്ഷി അഹൂജ എന്ന യുവതിയാണ് മരിച്ചത്. ഞായറാഴ്ച പുലര്‍ച്ചെയാണ് സംഭവം. കുടുംബത്തിനൊപ്പം പുലർച്ചെ അഞ്ചരയോടെ റെയിൽവേ സ്റ്റേഷനിലെത്തിയതായിരുന്നു ഇവർ. കഴിഞ്ഞ രാത്രിയില്‍ നിര്‍ത്താതെ പെയ്ത മഴയില്‍ ഡല്‍ഹി റയില്‍വേസ്റ്റേഷൻ വെള്ളത്തില്‍ മുങ്ങിയിരുന്നു. സ്റ്റേഷനിലെ വെള്ളക്കെട്ടില്‍ നിന്ന് രക്ഷപ്പെടാൻ സാക്ഷി വൈദ്യുത തൂണിൽ പിടിച്ചപ്പോൾ ഷോക്കേൽക്കുകയായിരുന്നു.
യുവതിയെ ആശുപത്രിയിലെത്തിച്ചെങ്കിലും ചികിത്സയ്ക്കിടെ മരിച്ചെന്ന് പൊലീസ് പറഞ്ഞു. റയിൽവേ സ്റ്റേഷന്റെ എക്സിറ്റ് നമ്പർ വണ്ണിന് സമീപമാണ് അപകടമുണ്ടായത്. അധികാരികളുടെ അനാസ്ഥ ആരോപിച്ച് യുവതിയുടെ സഹോദരി പരാതി നൽകി. സംഭവത്തിൽ പൊലീസ് കേസെടുത്തു.
English Summary: Woman electrocuted to death at New Delhi Railway Station amid heavy rainfall
You may also like this video
