ജോലിസ്ഥലത്തുണ്ടാകുന്ന അപകടങ്ങള് തൊഴിലുടമകള് 24 മണിക്കൂറിനുള്ളില് റിപ്പോര്ട്ടെ ചെയ്യണമെന്ന് ഒമാന് തൊഴില് മന്ത്രാലയം, രാജ്യത്തെ എല്ലാ തൊഴിലുടകളും ബിസിനസ് ഉടമകളും തൊഴില് സുരക്ഷ സംബന്ധിച്ച നിയന്ത്രണങ്ങള് പാലിക്കണമെന്നും മന്ത്രാലയം വ്യക്തമാക്കി.
ഗുരുതര തൊഴിലപകടം, സ്ഥിരീകരിച്ച തൊഴിൽ രോഗം എന്നിവയുണ്ടായാൽ 24 മണിക്കൂറിൽ അറിയിക്കാൻ തൊഴിലുടമകൾ നിയമപരമായി ബാധ്യസ്ഥരാണ്. തൊഴിൽ മന്ത്രാലയത്തിലെ തൊഴിൽ സുരക്ഷ, ആരോഗ്യ വകുപ്പിനെയോ ഗവർണറേറ്റുകളിലെ പ്രസക്തമായ വിഭാഗത്തെയോ അത്തരം സംഭവങ്ങൾ രേഖാമൂലം അറിയിക്കണം. ഇൻഷുറൻസ് പരിരക്ഷയുള്ള ജീവനക്കാർ ഉൾപ്പെടുന്ന ജോലി സംബന്ധമായ പരിക്കുകൾ സാമൂഹ്യ സുരക്ഷാ നിധിയെ അറിയിക്കണമെന്നും മന്ത്രാലയം വ്യക്തമാക്കി.