അന്താരാഷ്ട്ര ജലദിനമായ ഇന്ന് ആയിരം കുളങ്ങള് നാടിന് സമര്പ്പിക്കും. മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ ഉള്പ്പെടുത്തി നിർമ്മിച്ച ആയിരം കുളങ്ങളുടെ പൂർത്തീകരണ പ്രഖ്യാപനവും സംസ്ഥാനതല ഉദ്ഘാടനവും തദ്ദേശ മന്ത്രി എം ബി രാജേഷ് ഇന്ന് നിർവഹിക്കും. തിരുവനന്തപുരം വാമനപുരം പഞ്ചായത്തിലെ അയിലത്തുവിളാകം ചിറയിൽ രാവിലെ 11 നാണ് പരിപാടി.
ഇടതുപക്ഷ ജനാധിപത്യ മുന്നണി സർക്കാരിന്റെ രണ്ടാം വാർഷികത്തോട് അനുബന്ധിച്ച് നൂറുദിനപരിപാടികളുടെ ഭാഗമായി രണ്ടായിരം കുളങ്ങള് നിര്മ്മിക്കാനാണ് ലക്ഷ്യമിട്ടത്. ഇതിന്റെ ആദ്യഘട്ടത്തിന്റെ ഉദ്ഘാടനമാണ് ഇന്ന് നടക്കുന്നത്. സംസ്ഥാനതല ഉദ്ഘാടനത്തിന് പുറമേ, എല്ലാ നിയോജക മണ്ഡലങ്ങളിലും പഞ്ചായത്തുകളിലും കുളങ്ങളുടെ ഉദ്ഘാടനം നടക്കും.
ജലസംരക്ഷണപ്രവർത്തനങ്ങള് കൂടുതൽ സജീവമായി തൊഴിലുറപ്പ് പദ്ധതിയുടെ ഭാഗമായി ഏറ്റെടുക്കുമെന്ന് മന്ത്രി എം ബി രാജേഷ് അറിയിച്ചു. കുളങ്ങള്, തടയണകള്, മഴക്കുഴികള് തുടങ്ങിയവ നിര്മ്മിക്കാനും മഴവെള്ള റീച്ചാര്ജ് സംവിധാനങ്ങള് സജ്ജമാക്കാനുമുള്ള പ്രവര്ത്തനങ്ങള് തൊഴിലുറപ്പ് പദ്ധതിയുടെ ഭാഗമായി സംസ്ഥാനത്ത് നടപ്പിലാക്കുന്നുണ്ട്. 55,668 പ്രവൃത്തികളിലായി ഈ വര്ഷം 304.35 കോടി രൂപ ജലസംരക്ഷണ പ്രവര്ത്തനങ്ങള്ക്കായി ചെലവഴിച്ചിട്ടുണ്ട്.
English Summary :World Water Day: thousand ponds will be dedicated to the nation today
You may also like this video
