ലെെംഗിക ചൂഷണത്തിനെതിരെ നീതിക്കായി പോരാടുന്ന ഗുസ്തിതാരങ്ങളുടെ സമരത്തിന് പിന്തുണ നല്കാന് രാജ്യം ഭരിക്കുന്ന പാര്ട്ടിയുടെ ഒറ്റ വനിതാ എംപി പോലും ഇതുവരെ മുന്നോട്ടുവന്നില്ലെന്ന് വിനേഷ് ഫോഗാട്ട്. രാജ്യത്തെ സ്ത്രീകളുടെ സുരക്ഷ സംബന്ധിച്ച് വാതോരാതെ സംസാരിക്കുന്ന ബിജെപിയുടെ വനിതാ എംപിമാര് സമരം ചെയ്യുന്ന താരങ്ങള്ക്ക് പിന്തുണ നല്കാന് എത്താത്തത് എന്തുകാെണ്ടാണന്ന് മനസിലാകുന്നില്ലെന്നും ഫോഗാട്ട് പറഞ്ഞു.
ഗുസ്തി താരങ്ങളും രാജ്യത്തിന്റെ മക്കള് തന്നെയാണ്. സ്ത്രീകളുടെ അഭിമാനം സംരക്ഷിക്കാന് നടത്തുന്ന സമരത്തെ കണ്ടില്ലെന്ന് നടിക്കുകയാണ് പാര്ലമെന്റ് അംഗങ്ങള്. ബേട്ടി ബച്ചാവോ ബേട്ടി പഠാവേ മുദ്രാവാക്യം ഉരുവിടുന്ന ഭരണാധികാരികള് സമരത്തെ വിലകുറച്ച് കാണുകയാണെന്നും താരങ്ങള് പറഞ്ഞു. അതേസമയം ഗുസ്തി ഫെഡറേഷന് ഭരണം ഇന്ത്യന് ഒളിംപിക്സ് അസോസിയേഷന് ഏറ്റെടുക്കുന്ന തീരുമാനം സ്വാഗതം ചെയ്യുന്നതായി താരങ്ങള് പറഞ്ഞു.
സമരത്തിന്റെ ആദ്യഘട്ട വിജയമായി ആണ് ഐഒഎ തീരുമാനത്തെ വിലയിരുത്തുന്നത്. ഫെഡറേഷന് അധ്യക്ഷന് ബ്രിജ് ഭൂഷണ് ശരണ് സിങിനെതിരായ ആരോപണം സത്യമാണെന്ന് തെളിയിക്കുന്ന നടപടിയുടെ തുടക്കമായാണ് ഐഒഎ തീരുമാനത്തെ കാണുന്നതെന്നും വിനോഷ് ഫോഗാട്ട് പറഞ്ഞു. കഴിഞ്ഞ ദിവസമാണ് ഗുസ്തി ഫെഡറേഷന് സെക്രട്ടറിയോട് ഓഫിസ് രേഖകളും സാമ്പത്തിക കാര്യങ്ങള് അടങ്ങുന്ന ഫയലും കൈമാറന് ഐഒഎ നിര്ദേശിച്ചത്.
english summary; Wrestlers strike: BJP women MPs don’t look back
you may also like this video;
