ഓണക്കിറ്റ് ഇനിയും കൈപ്പറ്റാത്തവര്‍ക്ക് ഇന്ന് കൂടി അവസരം. ഉപതെരഞ്ഞെടുപ്പുമായി ബന്ധപ്പെട്ട നിയന്ത്രണം കാരണം കോട്ടയം ജില്ലയില്‍ ആകെ രണ്ട് ദിവസം മാത്രമാണ് കിറ്റുകള്‍ വിതരണം ചെയ്തത്. ഇക്കാര്യം കൂടി പരിഗണിച്ചാണ് സംസ്ഥാനത്ത് ഓണക്കിറ്റ് വിതരണം ഇന്നുകൂടി നടത്താന്‍ തീരുമാനിച്ചതെന്ന് ഭക്ഷ്യമന്ത്രി ജി ആര്‍ അനില്‍ അറിയിച്ചു.
ഇതുവരെ 5,46,394 കിറ്റുകളാണ് സംസ്ഥാനത്ത് റേഷന്‍ കടകളിലൂടെ വിതരണം ചെയ്തത്. ഓഗസ്റ്റ് മാസത്തില്‍ ആകെ 4,96,178 കിറ്റുകളും ഈ മാസം ഒന്ന്, രണ്ട് തീയതികളിലായി 50,216 കിറ്റുകളുമാണ് കാര്‍ഡുടമകള്‍ കൈപ്പറ്റിയത്. ക്ഷേമ സ്ഥാപനങ്ങളിലും ആദിവാസി ഊരുകളിലുമായി പൊതുവിതരണ വകുപ്പ് ഉദ്യോഗസ്ഥർ നേരിട്ട് വിതരണം ചെയ്തത് 16,223 കിറ്റുകളാണ്. ഇതോടെ ആകെ 5,62,617 ഓണക്കിറ്റുകള്‍ സംസ്ഥാനത്ത് വിതരണം ചെയ്തു.
English Summary: You can buy Onkit today too
You may also like this video
