കഞ്ചാവുമായി യുവാവ് പിടിയിൽ. താഴെ അരപ്പറ്റ സ്വദേശി രഞ്ജിത്ത് ശശി (24) ആണ് പിടിയിലായത്.412.4 ഗ്രാം കഞ്ചാവ് ജില്ലാ പൊലീസ് മേധാവിയുടെ കീഴിലെ ലഹരി വിരുദ്ധ സ്‌ക്വാഡും മേപ്പാടി പൊലീസും ചേർന്ന് ഇയാളിൽ നിന്നും പിടികൂടി. ആശുപത്രി പരിസരം കേന്ദ്രീകരിച്ചു പതിവായി കഞ്ചാവ് വിൽക്കുന്നയാളാണു പ്രതിയെന്ന് പൊലീസ് പറഞ്ഞു.
കണ്ണൂർ ടൗൺ സ്‌റ്റേഷനിലെ കവർച്ച കേസിലും മേപ്പാടി സ്‌റ്റേഷനിൽ കഞ്ചാവ്, മോഷണ കേസുകളിലും പോക്‌സോ കേസിലും ഇയാൾ പ്രതിയാണ്. പോക്‌സോ കേസിൽ ജാമ്യത്തിലിറങ്ങിയാണു കഞ്ചാവ് വിൽപന. കഴിഞ്ഞദിവസം രാത്രി മേപ്പാടിയിലെ സ്വകാര്യ മെഡിക്കൽ കോളജ് ആശുപത്രി പരിസരത്ത് നടത്തിയ പരിശോധനയിലാണ് ഇയാൾ പിടിയിലായത്.