ലഹരി കടത്ത് കേസിലെ പ്രതികളുടെ വാഹനത്തില്നിന്ന് 285 ഗ്രാം എം ഡി എം എ പിടികൂടി. മാനന്തവാടി എക്സൈസ് റേഞ്ച് ഉദ്യോഗസ്ഥരും തോല്പ്പെട്ടി എക്സൈസ് ചെക്ക്പോസ്റ്റ് ഉദ്യോഗസ്ഥരും നടത്തിയ സംയുക്ത വാഹന പരിശോധനയിലാണ് കാസർകോട് സ്വദേശികളായ കെ എം ജാബിര്(33), മൂലടക്കം മുഹമ്മദ് കുഞ്ഞി(39) എന്നിവരെ കസ്റ്റഡിയിലെടുത്തത്. ഏഴ് ഗ്രാമോളം എം ഡി എം എ കടത്തിയ കേസിലെ പ്രതികളായിരുന്നു ഇവര്. പ്രതികള് സഞ്ചരിച്ച കെ.എല് 01 സി.വൈ 6215 എന്ന കിയ വാഹനത്തില് നിന്നാണ് മയക്കുമരുന്ന് പിടിച്ചത്. സംഭവത്തില് ഒരു പ്രതികൂടി ഉള്ളതായി സംശയിക്കുന്നതായും ഇയാളെയും ഉടന് പിടികൂടുമെന്നും എക്സൈസ് അധികൃതര് അറിയിച്ചു.
285 ഗ്രാം എം ഡി എം എയുമായി യുവാക്കള് അറസ്റ്റില്
