ഓപ്പറേഷന്‍ ഡി-ഹണ്ടിന്റെ ഭാഗമായ് പൊലീസ് നടത്തിയ പരിശോധനയില്‍ 30 ഗ്രാം എംഡിഎംഎയുമായി യുവാവ് കരുനാഗപ്പളളി പൊലിസിന്റെ പിടിയിലായി. കരുനാഗപ്പള്ളി മരു.നോര്‍ത്ത് രാജേഷ് ഭവനില്‍ രാഹുല്‍(24) ആണ് പിടിയിലായത്. വെള്ളിയാഴ്ച രാവിലെ കരുനാഗപ്പള്ളി പുതിയകാവില്‍ വെച്ച് സംശയാസ്പദമായി കണ്ട രാഹുലിനെ പൊലീസ് സംഘം തടഞ്ഞ് നിര്‍ത്തി നടത്തിയ ദേഹപരിശോധനയില്‍ ഇയാളുടെ പക്കല്‍ നിന്നും വില്പനയ്ക്കായി സൂക്ഷിച്ചിരുന്ന 30 ഗ്രാം എംഡിഎംഎ കണ്ടെടുക്കുകയായിരുന്നു. ഇന്‍സ്പെക്ടര്‍ ബിജു വി, എസ്ഐമാരായ ഷമീര്‍, ഷാജിമോന്‍, ജോയ്, എഎസ്ഐ തമ്പി, സിപിഒ ഷഫീക്ക് എന്നിവരുടെ നേതൃത്വത്തിലുള്ള കരുനാഗപള്ളി പൊലീസും, ഡാന്‍സാഫ് സബ് ഇന്‍സ്പെക്ടര്‍ കണ്ണന്റെ നേതൃത്വത്തിലുള്ള ജില്ലാ ലഹരി വിരുദ്ധ സ്ക്വാഡും സംയുക്തമായി നടത്തിയ പരിശോധനയിലാണ് ഇയാള്‍ പിടിയിലായത്.
എംഡിഎംഎയുമായി യുവാവ് പിടിയില്‍
