സ്കൂൾ, കോളജ് വിദ്യാർത്ഥികളെ ലക്ഷ്യമിട്ട് ബാംഗ്ലൂരിൽ നിന്നും കൊണ്ടുവന്ന രാസലഹരിയുമായി യുവാവ് പിടിയിലായി. മാരാരിത്തോട്ടം കല്ലേലിഭാഗം രജി ഭവനത്തിൽ അഭിജിത്ത് (21) ആണ് പൊലീസ് പിടിയിലായത്. ശൂരനാട് വടക്ക് ആനയടി കോട്ടപ്പുറത്ത് റൂറൽ എസ്‌പിയുടെ ഡാൻസാഫ് ടീമും ശൂരനാട് പൊലീസും ചേർന്നാണ് ഇയാളെ അറസ്റ്റ് ചെയ്തത്.
പ്രതിയിൽ നിന്നും 3.77ഗ്രാം എംഡിഎംഎ പിടിച്ചെടുത്തു. അന്വേഷണ സംഘത്തിൽ ഡാൻസാഫ് എസ്ഐമാരായ ജ്യോതിഷ് ചിറവൂർ, ദീപു കെ, ജിഎസ്എസ്ഐമാരായ ശ്രീകുമാർ, സിപിഒമാരായ വിപിൻ ക്ളീറ്റസ്, സജുമോൻ, നഹാസ് ശൂരനാട് എസ്എച്ച്ഒ ജോസഫ് ലിയോൺ, സബ് ഇൻസ്പെക്ടർ ദീപു പിള്ള, ജിഎസ്ഐ സിയാദ്, പ്രദീപ്, സിപിഒ ബിജു, രഞ്ജുകൃഷ്ണൻ എന്നിവരും ഉണ്ടായിരുന്നു.