യുവകലാസാഹിതി ഷാർജ ഘടകം യുവകലാസന്ധ്യ 2023 നവംബർ 25ന് ഇന്ത്യൻ അസോസിയേഷൻ കമ്മ്യൂണിറ്റി ഹാളിൽ നടക്കും. കഴിഞ്ഞ ദിവസം ഷാർജ ഇന്ത്യൻ അസോസിയേഷനിൽ വച്ച് ചേർന്ന സ്വാഗത സംഘ രൂപീകരണ യോഗം യുവകലാസാഹിതി കണ്ണൂർ ജില്ലാ രക്ഷാധികാരിയും ‚കവിയും നാടകപ്രവർത്തകനും സംവിധായകനുമായ പപ്പൻ കുഞ്ഞിമംഗലം ഉദ്ഘാടനം ചെയ്തു.
യുവകലാസാഹിതി ഷാർജ പ്രസിഡൻ്റ് പത്മകുമാറിന്റെ അധ്യക്ഷതയിൽ കൂടിയ യോഗത്തിൽ സെക്രട്ടറി അഭിലാഷ് ശ്രീകണ്ഠപുരം സ്വാഗതവും ട്രഷറർ അഡ്വ.സ്മിനു സുരേന്ദ്രൻ നന്ദിയും പറഞ്ഞു. പ്രശാന്ത് ആലപ്പുഴ, ബിജു ശങ്കർ എന്നിവർ രക്ഷാധികാരികളും, പ്രതീഷ് ചിതറ ചെയർമാനും ജിബി ബേബി ജനറൽ കൺവീനറുമായ 101 അംഗസ്വാഗതസംഘം കമ്മിറ്റിയും വിവിധ സബ് കമ്മറ്റികളും രൂപീകരിച്ചു.
English Summary:yuvakalasahithy Evening on 25th November
You may also like this video
