മുൻ മേയർ ടോണി ചമ്മണിക്കെതിരെ മാനനഷ്ടക്കേസുമായി സോണ്ട ഇൻഫ്രാടെക്ക്. 10 കോടി രൂപ നഷ്ടപരിഹാരം ആവശ്യപ്പെട്ട് വക്കീൽ നോട്ടീസ് അയച്ചു. മാധ്യമങ്ങളിലൂടെ നടത്തിയ അപവാദപ്രചാരണവും ആരോപണവും പിൻവലിച്ച് മാപ്പുപറയണമെന്നാണ് ആവശ്യം. അതേസമയം, സോണ്ടയെക്കുറിച്ച് വസ്തുതകൾ മാത്രമാണ് പറഞ്ഞതെന്നും കേസിനെ നിയമപരമായി നേരിടുമെന്നും ടോണി ചമ്മണി പ്രതികരിച്ചു.
ബ്രഹ്മപുരത്തെ ബയോ മൈനിങ് കരാർ കമ്പനിയായ സോണ്ട ഇൻഫ്രാടെക്കിന്റെ എംഡി രാജ്കുമാർ ചെല്ലപ്പൻ ഇടനിലക്കാരൻ വഴി തന്നെ സ്വാധീനിക്കാൻ ശ്രമിച്ചെന്നു ടോണി ചമ്മണി നേരത്തെ വെളിപ്പെടുത്തിയിരുന്നു. കരാർ ലഭിക്കും മുമ്പ് 2019 മേയ് എട്ട് മുതൽ 12 വരെ നെതർലൻഡ്സ് സന്ദർശനത്തിനിടെ സോണ്ട പ്രതിനിധികളുമായി മുഖ്യമന്ത്രി കൂടിക്കാഴ്ച നടത്തിയെന്നും ടോണി ചമ്മണി പറഞ്ഞിരുന്നു.
English Summary: zonda company files defamation case against Tony Chammany
You may also like this video