ഇതര സംസ്ഥാന തൊഴിലാളിയെ തൂങ്ങി മരിച്ച നിലയിൽ കണ്ടെത്തി

കോന്നിയിൽ ഇതര സംസ്ഥാന തൊഴിലാളിയെ തൂങ്ങി മരിച്ച നിലയിൽ കണ്ടെത്തി. വെസ്റ്റ് ബംഗാൾ സ്വദേശി നജിബുൽ ശേഖ്നെ ആണ് തൂങ്ങി മരിച്ച നിലയിൽ കണ്ടെത്തിയത്. കോന്നി ചന്ത മൈതാനിയിലെ എസ് ബി ഐ, എടിഎമ്മിന് പുറകിലായി വാടകക്ക് താമസിച്ചു വരികയായിരുന്നു ഇദ്ദേഹം. സഹോദരനും ഒപ്പം ഉണ്ടായിരുന്നു. രാവിലെ 6 മണിയോടെ ആണ് ഇദ്ദേഹത്തെ ശുചിമുറിയിൽ തൂങ്ങി മരിച്ച നിലയിൽ കണ്ടെത്തിയത്. ശുചിമുറിയിലെ പൈപ്പിൽ ആണ് തുടങ്ങിയത്. തുടർന്ന് പൈപ്പ് ഒടിഞ്ഞു വീഴുകയും ചെയ്തു. തൊഴിലാളികൾ എല്ലാവരും ജോലിക്ക് പോയതിന് ശേഷമായിരുന്നു സംഭവം നടന്നത്. കോന്നി പോലീസ് സ്ഥലത്തെത്തി നടപടികൾ സ്വീകരിച്ചു. പോസ്റ്റ്മോർട്ടം നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും.