സംസ്ഥാന നേതൃത്വത്തിന്റെ നിർദേശം ദേശിയ നേതൃത്വം അംഗീകരിച്ചതോടെ തോമസ് കെ തോമസിനെ എൻസിപി സംസ്ഥാന പ്രസിഡന്റായി തെരഞ്ഞെടുത്തു. എന്സിപി എസ് ദേശീയാദ്ധ്യക്ഷന് ശരദ് പവാറാണ് ഇക്കാര്യം പ്രഖ്യാപിച്ചത്. രണ്ട് വര്ക്കിംഗ് പ്രസിഡന്റുമാരെയും പ്രഖ്യാപിച്ചിട്ടുണ്ട്. പി എം സുരേഷ് ബാബുവും പികെ രാജന് മാസ്റ്ററുമാണ് പുതിയ വര്ക്കിംഗ് പ്രസിഡന്റുമാര്.
സംസ്ഥാന വൈസ് പ്രസിഡന്റുമാരായി പ്രവര്ത്തിക്കുകയായിരുന്നു ഇരുവരും. സംസ്ഥാന എന്സിപിയിലെ പ്രശ്നങ്ങള് തീര്ക്കുകയെന്ന ഉദ്ദേശ്യത്തോടെ നേതാക്കളെ ശരദ് പവാര് മുംബൈയിലേക്ക് വിളിപ്പിച്ചിച്ചിരുന്നു. ഈ യോഗത്തിലാണ് അധ്യക്ഷ പദവി സംബന്ധിച്ച തീരുമാനമായത്. മന്ത്രി എ കെ ശശീന്ദ്രന്, പി സി ചാക്കോ, തോമസ് കെ തോമസ് എംഎല്എ എന്നിവരെയായിരുന്നു മുംബൈയിലേക്ക് വിളിപ്പിച്ചത്. പി സി ചാക്കോ രാജിവെച്ചതോടെയാണ് തോമസ് കെ തോമസിനെ അധ്യക്ഷനായി തെരഞ്ഞെടുത്തത്.