പെൺകുട്ടികളെ ലൈംഗികമായി പീഡിപ്പിച്ച കേസില്‍ സ്കൂള്‍ മുന്‍ പ്രധാനാധ്യാപകന് പോക്സോ കേസില്‍ പത്ത് വര്‍ഷം കഠിന തടവും 47,000 രൂപ പിഴയും കോടതി വിധിച്ചു. ഒഡീഷയിലെ സുന്ദർഗഡ് ജില്ലയിലാണ് സംഭവം. 2015ൽ 11 പെൺകുട്ടികളെ ലൈംഗികമായി പീഡിപ്പിച്ച കേസിലാണ് കോടതി വിധി. ലെഫ്രിപ്പാറ ബ്ലോക്കിലെ സ്കൂള്‍ മുന്‍ പ്രധാനാധ്യാപകനായിരുന്ന 62കാരന് അഡീഷണൽ ജില്ലാ ജഡ്ജി മഹേന്ദ്രകുമാർ സൂത്രധാരാണ് ശിക്ഷ വിധിച്ചത്. കേസില്‍ പിഴത്തുക അടച്ചില്ലെങ്കില്‍ ആറുമാസം കൂടി അധിക തടവ് അനുഭവിക്കണം. ഇയാള്‍ പെൺകുട്ടികളെ പീഡിപ്പിക്കുകയും ബലാത്സംഗം ചെയ്തിരുന്നതായി കണ്ടെത്തിയിരുന്നു. 2016 ജൂൺ 14 ന് അറസ്റ്റിലായ പ്രതി അന്നുമുതൽ ജയിലില്‍ കഴിയുകയാണ്.
English Summary;11 girls were sexually assaulted; Former head teacher gets 10 years in prison in POCSO case
You may also like this video
