ടിക് ടോക്കിലൂടെ ഉണ്ടായ തർക്കത്തെ തുടർന്ന് 14 വയസ്സുകാരനെ സഹപാഠി കുത്തിക്കൊന്നതിന് പിന്നാലെ ടിക് ടോക്കിന് ഒരു വർഷത്തേക്ക്‌ നിരോധനം ഏർപ്പെടുത്തി യൂറോപ്യൻ രാജ്യമായ അൽബേനിയ. ഒട്ടേറെ കുട്ടികൾ കൊലപാതകത്തെ ടിക് ടോക്കിലൂടെ പിന്തുണയ്ക്കുകയും ചെയ്തിരുന്നു. നിരോധനം അടുത്ത വർഷമാദ്യം നിലവിൽ വരും.
സംഭവത്തെക്കുറിച്ച് അന്വേഷണം ആരംഭിച്ചതായി ടിക് ടോക് അറിയിച്ചു. ഇരു വിദ്യാര്‍ത്ഥികൾക്കും ടിക് ടോക്കിൽ അക്കൗണ്ട് ഇല്ലെന്നാണ് ഇവരുടെ വാദം. ഫ്രാൻസ്, ജർമനി, ബൽജിയം എന്നീ രാജ്യങ്ങളും കുട്ടികൾ സമൂഹമാധ്യമങ്ങൾ ഉപയോഗിക്കുന്നതിൽ കർശന നിയന്ത്രണം ഏർപ്പെടുത്താൻ ആലോചിക്കുന്നുണ്ട്.