മലപ്പുറത്ത് 14കാരി പെൺകുട്ടിയെ കൊല്ലപ്പെട്ട നിലയിൽ കണ്ടെത്തി. വാണിയമ്പലത്തിനും തൊടിയപുലത്തിനും ഇടയിൽ റെയിൽവേ ട്രാക്കിനോട് ചേർന്നുള്ള കുറ്റിക്കാട്ടിലാണ് ഒമ്പതാം ക്ലാസ് വിദ്യാർത്ഥിനിയുടെ മൃതദേഹം കണ്ടെത്തിയത്. ഇന്നലെ സ്കൂളിലേക്ക് പോയ പെൺകുട്ടി വീട്ടിൽ തിരിച്ചെത്തിയിരുന്നില്ല. സംഭവത്തില് പ്ലസ് വൺ വിദ്യാർത്ഥിയായ 16കാരനെ പൊലീസ് കസ്റ്റഡിയിലെടുത്തു. സംശയം തോന്നി പൊലീസ് കസ്റ്റഡിയിലെടുത്ത് പ്രതിയെ ചോദ്യം ചെയ്തപ്പോള് കുറ്റസമ്മതം നടത്തുകയും മൃതദേഹം പൊലീസിന് കാണിച്ചുകൊടുക്കുകയും ചെയ്തു. കഴുത്ത് ഞരിച്ചായിരുന്നു കൊലപാതകം. ബലാത്സംഗം നടന്നതായി പ്രതി പൊലീസിനോട് പറഞ്ഞു.
മലപ്പുറത്ത് 14കാരി കൊല്ലപ്പെട്ട നിലയിൽ; 16കാരൻ പൊലീസ് പിടിയില്
