ട്രെയിനിൽ അച്ഛനൊപ്പം യാത്ര ചെയ്ത 16കാരിക്ക് നേരെ അതിക്രമം. പെൺകുട്ടിയുടെ ശരീരത്തിൽ സ്പർശിക്കാൻ ശ്രമിക്കുകയും അശ്ലീലം പറയുകയും ചെയ്തതായി പരാതിയിൽ പറയുന്നു. സംഭവത്തിൽ റയിൽവേ പൊലീസ് പോക്സോ വകുപ്പ് പ്രകാരം കേസെടുത്ത് അന്വേഷണം ആരംഭിച്ചു.
ഇന്നലെ രാത്രി ഗുരുവായൂർ എക്സ്പ്രസ്സിലാണ് സംഭവം. എറണാകുളത്ത് നിന്ന് വരികയായിരുന്ന തൃശൂർ സ്വദേശികൾക്കാണ് ദുരനുഭവം ഉണ്ടായത്. ഗാർഡിനോട് പരാതിപ്പെട്ടിട്ടും പൊലീസിനെ ഉടനടി അറിയിച്ചില്ലെന്നും ആരോപണം ഉയർന്നിട്ടുണ്ട്.
അതിക്രമം നടത്തിയവരെ ഇതുവരെ തിരിച്ചറിഞ്ഞിട്ടില്ല. 50 വയസിന് മുകളിൽ പ്രായം തോന്നിക്കുന്ന ആറോളം പേർ ചേർന്നാണ് അതിക്രമം കാട്ടിയതെന്നാണ് പരാതിയിൽ പറയുന്നത്. ഇവരെ തടയാൻ ശ്രമിച്ച മലപ്പുറം സ്വദേശിക്ക് മർദ്ദനമേറ്റു.
English summary;16-year-old girl assaulted on train
You may also like this video;
