ഇടുക്കിയിലെ വാഴവരയില്‍ കെഎസ്ആര്‍ടിസിയും ടൂറിസ്റ്റ് ബസും കുട്ടിയിടിച്ച് 19 പേര്‍ക്കേറ്റു. കട്ടപ്പനയില്‍ നിന്ന് വൈക്കത്തിന് പോകുകയായിരുന്ന കെഎസ്ആര്‍ടിസിയും കാസര്‍കോട് നിന്ന് വിനോദ സഞ്ചാരികളുമായി എത്തിയ ടൂറിസ്റ്റ് ബസുമാണ് ഇന്നലെ ഉച്ചയോടെ വാഴവരയില്‍വച്ച് കൂട്ടിയിടിച്ചത്. ഇടിയുടെ ആഘാതത്തില്‍ കെഎസ്ആര്‍ടിസി ബസിലെ 11 യാത്രകാര്‍ക്കും ടൂറിസ്റ്റ് ബസിലെ എട്ടു പേര്‍ക്കും പരിക്കേറ്റു.
കെഎസ്ആര്‍ടി ബസിലെ ഡ്രൈവര്‍ വൈക്കം കുടവെച്ചൂര്‍ സ്വദേശി അനില്‍ നിവാസില്‍ സുനില്‍ കുമാര്‍( 51), യാത്രക്കാരായ കൊല്ലം ഗോവിന്ദമംഗലം, ശാന്തിതീരം സുരേഷ് കുമാര്‍ (49), വെള്ളയുംകുടി കോലത്തു കൊച്ചുറാണി (24), കഞ്ഞിക്കുഴി കുഴിപ്പാലയില്‍, ജെയിംസ് (60) ഭാര്യ മോളി ജെയിംസ് (53), മേരികുളം, പാലക്കല്‍, അനുപ്രിയ (29), തൊടുപുഴ, പുളിക്കല്‍, മഞ്ഞു (34), മണിയാറംകൂടി കപ്പക്കാട്ടില്‍ ശാന്തമ്മ (63), പുറ്റടി,രാജകണ്ടം, കലമ്പുകാട്ടു, അലക്‌സ്. കെ. പീറ്റര്‍, ഭാര്യ സൗമ്യ (35), ടൂറിസ്റ്റ് ബസിലെ യാത്രക്കാരായ കാസര്‍കോട്, കുറ്റിക്കോല്‍, ജെരൂവീട്ടില്‍, രജിത (40) മകന്‍ സൂര്യ നാരായണന്‍ (10),കുറ്റിക്കോല്‍ പനയംകണ്ടത്തു ശ്രീരാജ് (30), കുറ്റിക്കോല്‍ സ്മിത ഹൗസില്‍ സുകുമാരന്‍ (55), സതീദേവി (49), കുറ്റിക്കോല്‍, തെരുവത്തു, അംബിക(49), കുറ്റിക്കോല്‍, സിറ്റി ഹൗസില്‍ ഷാബിത (36), കാസര്‍ഗോഡ്, കുറ്റിക്കോല്‍, സ്വദേശി ബൈജു (30) എന്നിവര്‍ക്കാണ് പരിക്കേറ്റത്. ഇവരെ കട്ടപ്പനയിലെ സ്വകാര്യ ആശുപത്രി പ്രവേശിപ്പിച്ചു. ആരുടെയും പരിക്ക് ഗുരുതരമല്ല.
English Summary: 19 people were injured in a collision between a KSRTC bus and a tourist bus in Idukki
You may also like this video
