2023 ഏറ്റവും ചൂടേറിയ വര്‍ഷമെന്ന് യൂറോപ്യൻ യൂണിയന്റെ കാലാവസ്ഥാ നിരീക്ഷണ ഏജന്‍സി. 19-ാം നൂറ്റാണ്ടിലെ താപനിലയേക്കാള്‍ 1.5 ഡിഗ്രി സെല്‍ഷ്യസ് എന്ന പരിധി പിന്നിട്ടതായും റിപ്പോര്‍ട്ട് പറയുന്നു.
വ്യാവസായിക വിപ്ലവ സമയത്തെക്കാള്‍ താപനില എല്ലാ ദിവസവും ഒരു ഡിഗ്രിയിലേറെ ഉയര്‍ന്നു നില്‍ക്കുന്ന ആദ്യ വര്‍ഷം കൂടിയായിരുന്നു 2023. 50 ശതമാനം ദിവസങ്ങളും വ്യാവസായിക വിപ്ലവ സമയത്തെക്കാള്‍ 1.5 ഡിഗ്രി സെല്‍ഷ്യസ് കൂടുതല്‍ ചൂട് രേഖപ്പെടുത്തി. നവംബറിലെ രണ്ടു ദിനങ്ങളില്‍ താപനില രണ്ടു ഡിഗ്രി സെല്‍ഷ്യസിലേറെയായിരുന്നു എന്നും പഠനം കണ്ടെത്തി.
ഒരുലക്ഷം വര്‍ഷത്തിനിടയിലെ ഏറ്റവും ഉയര്‍ന്ന താപനിലയാണ് കഴിഞ്ഞ വര്‍ഷം രേഖപ്പെടുത്തിയതെന്നും കോപ്പര്‍നിക്കസ് ക്ലൈമറ്റ് ചെയിഞ്ച് സര്‍വീസ്(സി3എസ്) ഉപ മേധാവി സാമന്ത ബര്‍ഗസ് പറഞ്ഞു.
English Summary: 2023 will be the hottest year ever
You may also like this video
