2025ല്‍ നടക്കുന്ന വനിതാ ഏകദിന ലോകകപ്പിന് ഇന്ത്യ ആതിഥേയത്വം വഹിക്കും. ഇത് നാലാം വട്ടമാണ് ഇന്ത്യ വനിതാ ഏകദിന ലോകകപ്പിന് വേദിയാവുന്നത്. ബിര്‍മിങ്ഹാമില്‍ ചേര്‍ന്ന ഐസിസി വാര്‍ഷിക കൗണ്‍സില്‍ യോഗത്തിലാണ് തീരുമാനം.2024ലെ വനിതാ ടി20 ലോകകപ്പിന് ബംഗ്ലാദേശാണ് വേദിയാവുക. ഇതാദ്യമായാണ് ബംഗ്ലാദേശ് ഒരു പ്രധാന ഐസിസി വനിതാ ടൂര്‍ണമെന്റിന് വേദിയാവുന്നത്.
2024 സെപ്റ്റംബര്‍-ഒക്ടോബര്‍ മാസങ്ങളിലായിരിക്കും ടി20 ലോകകപ്പ്. ഒരുവര്‍ഷത്തിനുശേഷം ഇന്ത്യയില്‍ നടക്കുന്ന ഏകദിന ലോകകപ്പില്‍ എട്ട് ടീമുകളാവും മാറ്റുരക്കുക. കഴിഞ്ഞ 10 വര്‍ഷത്തിന് ഇടയില്‍ ആദ്യമായാണ് ഇന്ത്യയിലേക്ക് വനിതാ ലോകകപ്പ് വരുന്നത്. 2013ലാണ് ഇന്ത്യ ഒടുവില്‍ വനിതാ ഏകദിന ലോകകപ്പിന് ആതിഥേയത്വം വഹിച്ചത്. അന്ന് ഫൈനലില്‍ വെസ്റ്റിന്‍സിനെ തോല്‍പ്പിച്ച്‌ ഓസ്‌ട്രേലിയ കിരീടം ചൂടി.
English Summary:2025 Women’s ODI World Cup in India
You may also like this video
