തെക്കൻ അഫ്ഗാനിസ്ഥാനിൽ ബസും ഇന്ധന ടാങ്കറും കൂട്ടിയിടിച്ച് 21 പേര്‍ മരിച്ചു. 38 പേര്‍ക്ക് പരിക്കേറ്റു. ഹെൽമണ്ട് പ്രവിശ്യയില്‍ ഗ്രിഷ്‌ക് ജില്ലയിലെ ഹെറാത്ത്-കാണ്ഡഹാർ ഹൈവേയിലാണ് അപകടമുണ്ടായത്. പാസഞ്ചര്‍ ബസില്‍ ഒരു ബെെക്ക് ഇടിയ്ക്കുകയും നിയന്ത്രണം വിട്ട ബസ് എതിര്‍ദിശയില്‍ വന്ന ടാങ്കറിലേക്ക് ഇടിച്ചുകയറുകയായിരുന്നു. കൂട്ടിയിടി നടന്നതിനു പിന്നാലെ വാഹനങ്ങള്‍ക്ക് തീപിടിച്ചു. ബെെക്കിലെ രണ്ട് യാത്രക്കാരും ടാങ്കറിലുണ്ടായിരുന്ന മൂന്ന് പേരും 16 ബസ് യാത്രക്കാരുമാണ് മരിച്ചത്. സംഭവത്തില്‍ അന്വേഷണം പ്രഖ്യാപിച്ചതായി പൊലീസ് അറിയിച്ചു. പരിക്കേറ്റവരില്‍ 11 പേരുടെ നില അതീവ ഗുരുതരമാണ്.
English Summary: 21 dead after bus and fuel tanker collide in Afghanistan
You may also like this video
