മഹാരാഷ്ട്രയിലെ ലാൽബാഗ് ഏരിയയിൽ പ്ലാസ്റ്റിക് ബാഗിനുള്ളിൽ 53കാരിയുടെ മൃതദേഹം അഴുകിയ നിലയില്‍ കണ്ടെത്തി. 21 കാരിയായ മകളാണ് ഇവരെ കൊലപ്പെടുത്തിയതെന്ന് പൊലീസ് പറഞ്ഞു. സ്ത്രീയുടെ സഹോദരനും മരുമകനും ഇവരെ കാണാനില്ലെന്ന് കാണിച്ച് ചൊവ്വാഴ്ച കാലചൗക്കി പോലീസ് സ്റ്റേഷനിൽ പരാതി നല്‍കിയിരുന്നു. ഇതിന്റെ അടിസ്ഥാനത്തില്‍ നടത്തിയ തെരച്ചിലിലാണ് മൃതദേഹം കണ്ടെത്തിയത്. അപ്പാർട്ട്‌മെന്റിന്റെ ഒന്നാം നിലയില്‍ നടത്തിയ തിരച്ചിലിൽ പ്ലാസ്റ്റിക് ബാഗിനുള്ളിൽ ഇവരുടെ മൃതദേഹം അഴുകിയ നിലയിൽ പൊലീസ് കണ്ടെത്തുകയായിരുന്നു.
മകൾ മാസങ്ങളോളം ശുചിമുറിയില്‍ ഇവരെ പൂട്ടിയിട്ടിരുന്നു. പിന്നീടാണ് കൊലപ്പെടുത്തിയെന്ന് പൊലീസ് പറഞ്ഞു. കൊലപാതക കാരണം ഇതുവരെ കണ്ടെത്താനായിട്ടില്ല, മകളെ പോലീസ് കസ്റ്റഡിയിലെടുത്ത് ചോദ്യം ചെയ്തുവരികയാണ്, പൊലീസ് കൂട്ടിച്ചേര്‍ത്തു. ഇവരുടെ മൃതദേഹം പോസ്റ്റ്‌മോർട്ടത്തിനായി അയച്ചിട്ടുണ്ട്.
English Summary: 21-year-old woman kills mother, wraps body in plastic bag: Murder after she locked herself in bathroom for months
You may also like this video
