കൊല്ലത്ത് 22 വിദ്യാര്‍ത്ഥികള്‍ക്ക് ഭക്ഷ്യവിഷബാധയേറ്റു. കരുനാഗപ്പള്ളി ഗേൾസ് ഹൈസ്കൂളിൽ നടക്കുന്ന എൻസിസി ക്യാമ്പിലെ വിദ്യാര്‍ത്ഥികള്‍ക്കാണ് ഭക്ഷ്യവിഷബാധയേറ്റത്. ഗുരുതരമായ ആരോഗ്യപ്രശ്നങ്ങളെ തുടർന്ന് വിദ്യാര്‍ത്ഥികളെ ആശുപത്രിയിലേക്ക് മാറ്റി. വിദ്യാര്‍ത്ഥികളില്‍ ദേഹാസ്വാസ്ഥ്യം, ചർദ്ദി, വയറിളക്കം എന്നിവയുണ്ടായതായി കരുനാഗപ്പള്ളി താലൂക്കാശുപത്രി അധികൃതര്‍ അറിയിച്ചു. ഗുരുതരമായ ഒരു കുട്ടിയെ കൊല്ലം ജില്ലാ ആശുപത്രിയിലേക്ക് മാറ്റി.
ഭക്ഷ്യവിഷബാധ, നിർജ്ജലീകരണം, ക്യാമ്പിലെ പെൺകുട്ടികളുടെ ടോയ്‌ലറ്റിലെ ശുചിത്വക്കുറവ് എന്നിവയാണ് ആരോഗ്യപ്രശ്നങ്ങള്‍ക്ക് കാരണമെന്നാണ് റിപ്പോര്‍ട്ടുകള്‍.കുട്ടികളിൽ ചിലർക്ക് വൈറൽപനി ബാധിച്ചിട്ടുണ്ട്. അറുനൂറോളം വിദ്യാർഥികളാണ് ക്യാമ്പിൽ പങ്കെടുക്കുന്നതെന്നാണ് വിവരം.
English Summary: 22 students get food poisoning in NCC camp: shifted to hospital, one child in critical condition Around 600 students in camp
You may like this video
