മദ്യത്തിന് നിരോധനം ഏർപ്പെടുത്തിയ ഗുജറാത്തിൽ വ്യാജമദ്യം കഴിച്ച് മരിച്ചവരുടെ എണ്ണം 28 ആയി. ഗുജറാത്തിലെ ബോട്ടാഡ് ജില്ലയിലാണ് വിഷ മദ്യ ദുരന്തമുണ്ടായത്.
ഭാവ്നഗറിലെ സർ ടി ആശുപത്രിയിലും അഹമ്മദാബാദ് സിവിൽ ആശുപത്രിയിലുമായി 60 ഓളം പേർ ചികിത്സയിലാണ്.
വ്യാജ മദ്യം വിറ്റ പത്ത് പേർ അറസ്റ്റിലായതായി അധികൃതര്‍ അറിയിച്ചു. മദ്യം കഴിച്ചവർ ഗ്രാമ പ്രദേശത്തുള്ളവരാണ്. വ്യാജ മദ്യ നിർമ്മാണത്തിന് മെത്തനോൾ എത്തിച്ചു നൽകിയ ജയേഷ് എന്നയാളാണ് പൊലീസ് കസ്റ്റഡിയിലായത്.
കഴിഞ്ഞ മൂന്ന് നാല് മാസമായി ജയേഷ് എഎംഒഎസ് കെമിക്കൽസ് എന്ന സ്ഥാപനത്തിൽ നിന്ന് 600 ലിറ്റർ മീഥൈൽ ആൽക്കഹോൾ എത്തിച്ചെന്നാണ് ഇയാളുടെ മൊഴി.
ജൂലൈ 22ന് വൈകിട്ട് ജയേഷ് നഭോയ് ഗ്രാമത്തിൽ മീഥൈൽ ആൽക്കഹോൾ വിതരണം ചെയ്തിരുന്നതായും ഇയാളുടെ മൊഴിയില്‍ വ്യക്തമാണ്. നിലവിൽ മദ്യത്തിന്റെ ഉൽപാദനവും ഉപയോഗവും വിപണനവും നിരോധിച്ച സംസ്ഥാനമാണ് ഗുജറാത്ത്.
English summary;28 killed in Gujarat hooch tragedy
You may also like this video;
