ഒഡിഷയിലെ ജാജ്പൂരില്‍ ഗുഡ്‌സ് ട്രെയിന്‍ പാളം തെറ്റി അപകടം. ട്രെയിനിന്റെ ബോഗികള്‍ പ്ലാറ്റ്ഫോമിലേക്ക് വീണ് മൂന്നുപേര്‍ കൊല്ലപ്പെട്ടു. പാസഞ്ചര്‍ ട്രെയിനിനായി കാത്ത് നിന്നവരാണ് അപകടത്തില്‍പ്പെട്ടത്. നിരവധി പേര്‍ക്ക് ഗുരുതരമായി പരിക്കേറ്റു. ഡോങ്കോപോസിയില്‍ നിന്ന് ഛത്രപൂരിലേക്ക് പോകേണ്ട ഗുഡ്‌സ് ട്രെയിനാണ് പാളം തെറ്റി പ്ലാറ്റ്‌ഫോമില്‍ ഇടിച്ചത്. എട്ട് ബോഗികള്‍ പ്ലാറ്റ്ഫോമിലേക്കും കാത്തിരിപ്പ് കേന്ദ്രത്തിലേക്കും വീണു. സ്റ്റേഷന്‍ കെട്ടിടത്തിനും കേടുപാടുകള്‍ സംഭവിച്ചു. പാളം തെറ്റിയതിന്റെ കാരണത്തെക്കുറിച്ച് റയില്‍വേ അന്വേഷണം തുടങ്ങി. അപകടത്തെ തുടര്‍ന്ന് രണ്ട് ലൈനുകളും തടസപ്പെട്ടതിനാല്‍ ട്രെയിന്‍ ഗതാഗത്തെ ഭാഗികമായി ബാധിച്ചു.
English Summary: 3 Killed As Goods Train Derails In Odisha
You may also like this video
