വീട്ടുമുറ്റത്ത് നിൽക്കുകയായിരുന്ന ഗൃഹനാഥയെ തെരുവു നായ കടിച്ചു. തൃശൂർ ഒല്ലൂർ ഇളംതുരുത്തി പയ്യപ്പിള്ളി ജോസിന്റെ ഭാര്യ ഉഷ(52)യ്ക്കാണ് നായയുടെ കടിയേറ്റത്. ഗുരുതരമായി പരുക്കേറ്റ ഇവരെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. നായയ്ക്ക് പേ വിഷബാധയുള്ളതായി സംശയിക്കുന്നു.
ഉഷയുടെ നിലവിളി കേട്ട് ഓടിയെത്തിയ നാട്ടുകാരെയും നായ ആക്രമിക്കാൻ ശ്രമിച്ചു. മറ്റാര്ക്കും കടിയേറ്റിട്ടില്ല. നായയെ നാട്ടുകാര് ഓടിച്ചുവിട്ട ശേഷമാണ് ഉഷയെ ആശുപത്രിയിലേക്ക് കൊണ്ടുപോകാനായത്. നായയെ കണ്ടെത്തുന്നതിനുള്ള ശ്രമങ്ങളും തുടരുകയാണ്.
English Sammury: 52-year-old woman was bitten by a street dog in her backyard