ആധാര്‍-പാന്‍കാര്‍ഡ് ബന്ധിപ്പിക്കല്‍ വൈകിയതിനെ തുടര്‍ന്ന് കേന്ദ്രസര്‍ക്കാര്‍ പിഴയിനത്തില്‍ ഈടാക്കിയത് 600 കോടി രൂപ. 11.48 കോടിയാളുകള്‍ ഇനിയും പാന്‍കാര്‍ഡ് ആധാറുമായി ബന്ധിപ്പിച്ചിട്ടില്ല. കേന്ദ്ര ധനകാര്യ സഹമന്ത്രി പങ്കജ് ചൗധരി ലോക്‌സഭയില്‍ എഴുതി നല്‍കിയ മറുപടിയിലാണ് ഇക്കാര്യങ്ങള്‍ വ്യക്തമാക്കുന്നത്.
കഴിഞ്ഞ വര്‍ഷം ജൂണ്‍ 23 ആയിരുന്നു പാന്‍-ആധാര്‍ ബന്ധിപ്പിക്കുന്നതിനുള്ള അവസാന തീയതി. ഇതിന് ശേഷമേര്‍പ്പെടുത്തിയ 1000 രൂപ പിഴ പ്രകാരം ലഭിച്ച തുക സംബന്ധിച്ച വിശദാംശങ്ങള്‍ ആവശ്യപ്പെടുന്നതായിരുന്നു ചോദ്യം. 2023 ജൂലൈ 1 മുതല്‍ 2024 ജനുവരി 31 വരെയുള്ള കണക്കനുസരിച്ച് 601.97 കോടിരൂപ പിഴയിനത്തില്‍ ലഭിച്ചതായി മന്ത്രി പറഞ്ഞു.
English Summary:600 crore as penalty for linking Aadhaar-PAN
You may also like this video
