ഹിമാചല്‍ പ്രദേശില്‍ 68 നിയമസഭാ മണ്ഡലങ്ങളിലേക്കുള്ള വോട്ടെടുപ്പ് പൂര്‍ത്തിയായി. 65.92 ശതമാനം പോളിങ് രേഖപ്പെടുത്തി. കഴിഞ്ഞ തവണത്തേക്കാള്‍ കുറവാണിത്. 2017ല്‍ 76.6 ശതമാനമായിരുന്നു പോളിങ്. അനിഷ്ടസംഭവങ്ങളൊന്നും റിപ്പോര്‍ട്ട് ചെയ്യപ്പെട്ടിട്ടില്ല. ചിലയിടങ്ങളില്‍ ഇവിഎം തകരാര്‍ റിപ്പോര്‍ട്ട് ചെയ്തിട്ടുണ്ട്.
ലോകത്തിലെ ഏറ്റവും ഉയര്‍ന്ന പോളിങ് സ്റ്റേഷനായ ലാഹൗള്‍ സ്പിതിയിലെ തഷിഗാങ്ങില്‍ 98.08 ശതമാനം പോളിങ് രേഖപ്പെടുത്തി. 52 വോട്ടര്‍മാരില്‍ 51 പേരും വോട്ട് ചെയ്യാനെത്തി. അതേസമയം ഏറ്റവും കുറവ് പോളിങ് രേഖപ്പെടുത്തിയ ജില്ലയും ലാഹൗള്‍ സ്പിതിയാണ്. 21.95 ശതമാനം. 72.35 ശതമാനം പേര്‍ വോട്ട് രേഖപ്പെടുത്തിയ സിര്‍മോര്‍ ജില്ലയാണ് ഏറ്റവും മികച്ച പോളിങ് രേഖപ്പെടുത്തിയത്. സോളനില്‍ 68.48 ശതമാനവും ഉനയില്‍ 67.67 ശതമാനവും പേര്‍ വോട്ട് ചെയ്തു. ഡിസംബര്‍ എട്ടിന് ഫലം പ്രഖ്യാപിക്കും.
English Summary:65.92 percent polling in Himachal
You may also like this video
