സംസ്ഥാനത്ത് തദ്ദേശ തെരഞ്ഞെടുപ്പിന്റെ ഒന്നാംഘട്ടത്തില് 70.91% പോളിങ്. തിരുവനന്തപുരം മുതല് എറണാകുളം വരെയുള്ള ഏഴ് ജില്ലകളില് ചൊവ്വാഴ്ച നടന്ന വോട്ടെടുപ്പിന്റെ അന്തിമ കണക്കുകള് തെരഞ്ഞെടുപ്പ് കമ്മിഷന് പുറത്തുവിട്ടു. 71.61% പുരുഷന്മാരും 70.29% സ്ത്രീകളും വോട്ട് രേഖപ്പെടുത്തി. 126 ട്രാന്സ് വോട്ടര്മാരില് 52 പേരാണ് (41.27%) വോട്ട് ചെയ്തത്.
ഏറ്റവും കൂടുതല് വോട്ടര്മാരുള്ള തിരുവനന്തപുരം ജില്ലയില് 67.47% പേരാണ് വോട്ട് രേഖപ്പെടുത്തിയത്. 29,12,773 വോട്ടര്മാരില് 19,65,386 പേര്. അതേസമയം വോട്ട് ചെയ്തവരുടെ എണ്ണത്തില് മുന്നിലുള്ളത് എറണാകുളം ജില്ലയാണ്. 74.57% പോളിങ് നടന്ന എറണാകുളത്ത് 26,67,746 പേരില് 19,89,428 പേര് വോട്ട് ചെയ്തിട്ടുണ്ട്. പോളിങ് ശതമാനത്തില് പത്തനംതിട്ടയാണ് പിന്നില് (66.78%). കൊല്ലം ജില്ലയില് 70.35%, ആലപ്പുഴയില് 73.80%, കോട്ടയത്ത് 70.86%, ഇടുക്കിയില് 71.78% പോളിങ് നടന്നു. വോട്ടെടുപ്പ് നടന്ന മൂന്ന് കോര്പറേഷനുകളില് കൊല്ലമാണ് പോളിങ് ശതമാനത്തില് മുന്നിലുള്ളത്. 63.35%. കൊച്ചിയില് 62.44%, തിരുവനന്തപുരത്ത് 58.29% പേരാണ് വോട്ട് ചെയ്തത്.