ഹോണടിച്ചിട്ടും മാറിയില്ലെന്നാരോപിച്ച് ബധിരനും മൂകനുമായയാളെ 16കാരി കുത്തിക്കൊന്നു. റായ്‌പുരിലെ ആസാദ് ചൗക് പൊലീസ് സ്റ്റേഷൻ പരിധിയിൽ കങ്കലിപുരയിലാണ് സംഭവം. പെൺകുട്ടി ഇരുചക്രവാഹനത്തില്‍ സഞ്ചരിക്കുമ്പോൾ ബധിരനായ വ്യക്തി സൈക്കിളിൽ പോവുകയായിരുന്നു. നിരവധി തവണ ഹോണടിച്ചിട്ടും കടന്നുപോകാന്‍ അനുവദിച്ചില്ലെന്ന് ആരോപിച്ചാണ് പെൺകുട്ടി വണ്ടി നിർത്തി ഇയാളെ ആക്രമിച്ചതെന്ന് അഡീഷണൽ പൊലീസ് സൂപ്രണ്ട് ഡി സി പട്ടേൽ പറഞ്ഞു. തുടർന്ന് കയ്യിൽ കരുതിയിരുന്ന കത്തിയെടുത്ത് കഴുത്തിൽ കുത്തിയിറക്കുകയായിരുന്നു. പെൺകുട്ടിയെ ജുവനൈൽ ജസ്റ്റിസ് ബോർഡിന് മുന്നിൽ ഹാജരാക്കും.
English Summary:A 16-year-old girl stabbed a deaf and mute man to death
You may also like this video
