ആലപ്പുഴയില്‍ വീട്ടുവളപ്പില്‍ കഞ്ചാവ് ചെടി നട്ടുവളർത്തിയ യുവാവിനെതിരെ കേസെടുത്തു. ആര്യാട് പഞ്ചായത്ത് 4 -ാം വാർഡ് കായൽചിറ വീട്ടിൽ വാടകക്ക് താമസിക്കുന്ന ശംഭു രങ്കനെയാണ് (31) താമസിക്കുന്ന വീടിന് പുറകിൽ 189 സെന്റീമീറ്റർ ഉയരമുള്ള കഞ്ചാവ് ചെടി നട്ടു നനച്ചു വളർത്തിയ കുറ്റത്തിനും 20 ഗ്രാം കഞ്ചാവ് പാന്റിന്റെ പോക്കറ്റിൽ സൂക്ഷിച്ച കുറ്റത്തിനും ആലപ്പുഴ റേഞ്ച് എക്സൈസ് ഇൻസ്പെക്ടർ എം ആർ മനോജും പാർട്ടിയും നടത്തിയ പരിശോധനയിൽ പിടികൂടി ജാമ്യമില്ലാ വകുപ്പ് ചുമത്തി കേസെടുത്തത്.
പരിശോധനയിൽ അസി. എക്സൈസ് ഇൻസ്പെക്ടർമാരായ പി ആർ പ്രബീൺ, വി കെ മനോജ് കുമാർ, പ്രിവന്റീവ് ഓഫീസർമാരായ ബി എം ബിയാസ്, സി റിനീഷ്, സി ഇ ഒ മാരായ എച്ച് മുസ്തഫ, ബി സുബിൻ, വനിത സിഇഒ എം അനിത എന്നിവരും പങ്കെടുത്തു.