മണിപ്പൂർ കലാപത്തിൽ ഇന്ത്യൻ റിസർവ് ബറ്റാലിയന്റെ ആയുധങ്ങളും വെടിക്കോപ്പുകളും കൊള്ളയടിച്ചതുമായി ബന്ധപ്പെട്ട കേസിലെ ഏഴ് മെയ്തി സംഘടനാ പ്രവര്‍ത്തകര്‍ക്കെതിരെ കുറ്റപത്രം സമർപ്പിച്ചു. ഗുവാഹട്ടിയിലെ ചീഫ് ജുഡീഷ്യൽ മജിസ്‌ട്രേറ്റ് കോടതിക്ക്‌ മുമ്പാകെയാണ്‌ സിബിഐ കുറ്റപത്രം സമർപ്പിച്ചത്‌.
ലൈഷ്‌റാം പ്രേം സിങ്, ഖുമുക്‌ചം ധീരൻ എന്നറിയപ്പെടുന്ന തപക്‌പ, മൊയ്‌രംഗ്‌തേം ആനന്ദ് സിങ്, അതോക്‌പാം കജിത് എന്ന കിഷോർജിത്ത്, ലൗക്രാക്‌പം മൈക്കിൾ മംഗാൻച എന്ന മൈക്കിൾ, കോന്തൗജം റോമോജിത് മെയ്‌തേയ് എന്ന റോമോജിത്ത്, കീഷാം ജോൺസൺ എന്ന ജോൺസൺ എന്നിവരെയാണ് കുറ്റപത്രത്തിൽ പ്രതി ചേർത്തിരിക്കുന്നത്. ഓഗസ്റ്റ് മൂന്നിന്, സായുധരായ അക്രമികള്‍ 300 ഓളം ആയുധങ്ങളും 19,800 ഓളം വെടിക്കോപ്പുകളും 800 ഓളം മറ്റ് അനുബന്ധ ഉപകരണങ്ങളും കൊള്ളയടിക്കുകയായിരുന്നു.
English Summary:A charge sheet was filed in a case of looting weapons in Manipur
You may also like this video
