ചേര്‍ത്തല റെയില്‍വേ സ്‌റ്റേഷനു സമീപം പാളം മുറിച്ചുകടക്കുന്നതിനിടെ അംഗപരിമിതന്‍ വന്ദേഭാരത് തീവണ്ടിതട്ടിമരിച്ചു. നഗരസഭ 35ാം വാര്‍ഡ് കണ്ണുകുഴി നികര്‍ത്ത് അനില്‍കുമാര്‍(നൂറന്‍-65) ആണ് മരിച്ചത്. ഇന്ന് ഉച്ചയ്ക്കായിരുന്നു അപകടം. തീവണ്ടിവരുന്നതറിയാതെ പാളം മുറിച്ചുകടക്കുയായിരുന്നെന്നാണ് വിവരം. വന്ദേഭാരത് നിര്‍ത്തിയില്ല.
പന്തല്‍ പണിക്കാരനായിരുന്ന അനില്‍കുമാര്‍ അപകടത്തെ തുടര്‍ന്നാണ് വൈകല്യമുണ്ടായത്. അതിനാല്‍ വീട്ടില്‍ കയര്‍തൊഴില്‍ ചെയ്താണ് ജീവിക്കുന്നത്. ഭാര്യ:പരേതയായ രുക്മിണി. മക്കള്‍:അനൂപ്, മരുകന്‍. ശവസംസ്‌കാരം പോസ്റ്റുമോര്‍ട്ടത്തിനു ശേഷം നാളെ വീട്ടുവളപ്പില്‍.