പ്രായപൂര്‍ത്തിയാകാത്ത മകളെ നിരന്തര ലൈംഗിക പീഡനത്തിനിരയാക്കി ഗര്‍ഭണിയാക്കിയ പിതാവിന് മൂന്ന് ജീവപര്യന്തം തടവും പിഴയും വിധിച്ച് കോടതി. മലപ്പുറത്താണ് സംഭവം. മദ്രസ അധ്യാപകന്‍കൂടിയാണ് ഇയാള്‍. മഞ്ചേരി പോക്സോ അതിവേഗ കോടതിയാണ് ശിക്ഷ വിധിച്ചത്. തടവ് ശിക്ഷയ്ക്ക് പുറമെ 6,50,000 രൂപ പിഴയും ഒടുക്കണം.
2021 മാര്‍ച്ചിലാണ് ഇയാള്‍ ആദ്യം കുട്ടിയെ ബലാത്സംഗത്തിനിരയാക്കിയത്. അമ്മ വീട്ടിലില്ലായിരുന്ന സമയത്ത് മുറിയില്‍ പഠിച്ചുകൊണ്ടിരുന്ന കുട്ടിയെ വലിച്ചിഴച്ചുകൊണ്ടുപോയാണ് ഇയാള്‍ ക്രൂരമായ ബലാത്സംഗത്തിനിരയാക്കിയത്. വിവരം മാതാവിനെ അറിയിച്ചാല്‍ കൊല്ലുമെന്ന് ഭീഷണിപ്പെടുത്തി, ഇയാള്‍ വീണ്ടും കുട്ടിയെ പലതവണ പീഡനത്തിനിരയാക്കി. തുടര്‍ന്ന് കുട്ടി പിതാവില്‍ നിന്ന് ഗര്‍ഭിണിയായി. പിന്നാലെ 2021ല്‍ 14 കാരി പിതാവിനെതിരെ പൊലീസില്‍ പരാതി നല്‍കി. പൊലീസ് ഇയാള്‍ക്കെതിരെ കേസ് രജിസ്റ്റര്‍ ചെയ്യുകയും ചെയ്തു.
English Summary: A father who made his daughter pregnant by continuously torturing him in Malappuram has been sentenced to three life terms
You may also like this video
