വിഴിഞ്ഞത്ത് വള്ളം മറിഞ്ഞ് മത്സ്യത്തൊഴിലാളി മരിച്ചു. പൊഴിയൂര്‍ സ്വദേശി അരുള്‍ ദാസാണ് മരിച്ചത്. ഇന്ന് രാവിലെയായിരുന്നു മത്സ്യബന്ധനത്തിനായി പോയ വള്ളം മറിഞ്ഞത്. അരുള്‍ ദാസിനെ രക്ഷപ്പെടുത്തി ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. അതേസമയം മുതലപ്പൊഴിയില്‍ വീണ്ടും അപകടം. ഇന്ന് രാവിലെ മുതലപ്പൊഴില്‍ ശക്തമായ മഴയില്‍പ്പെട്ട് വള്ളം തകര്‍ന്നു. വള്ളത്തിലുണ്ടായിരുന്ന മത്സ്യത്തൊഴിലാളികളുടെ തല വള്ളത്തിലിടിച്ച് ഒരാള്‍ക്ക് പരിക്കേറ്റു. ഇന്നലെ വൈകിട്ട് വള്ളം മറിഞ്ഞ് കടലില്‍ വീണ പൂത്തുറ സ്വദേശി അലക്സാണ്ടര്‍ അല്‍ഫോണ്‍സിനെ മറ്റ് വള്ളത്തിലെ തൊഴിലാളികള്‍ ചേര്‍ന്ന് രക്ഷപ്പെടുത്തുകയായിരുന്നു.
English Summary:A fisherman died after his boat overturned in Vizhinjam; Capital labor is a danger again
You may also like this video
