ഫോര്‍ട്ട് കൊച്ചിയില്‍ കടലില്‍ വച്ച് മത്സ്യത്തൊഴിലാളിക്ക് വെടിയേറ്റു. ആലപ്പുഴ അന്ധകാരനഴി സ്വദേശി സെബാസ്റ്റ്യനാണ് വെടിയേറ്റത്. ഇന്ന് രാവിലെ 11.30 ഓടെ ഫോര്‍ട്ട് കൊച്ചിയില്‍ നേവിയുടെ ക്വാര്‍ട്ടേഴ്‌സിന് സമീപമാണ് സംഭവം. മീന്‍പിടിത്തം കഴിഞ്ഞ് ബോട്ട് തീരത്തോട് അടുപ്പിക്കുന്നതിനിടെയാണ് സെബാസ്റ്റ്യന് വെടിയേറ്റത്. വെടിയേറ്റ ഉടന്‍ തന്നെ നിലത്തുവീണ സെബാസ്റ്റ്യനെ ഫോര്‍ട്ട് കൊച്ചിയിലെ ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമല്ല. ചെവിയുടെ ഭാഗത്താണ് വെടിയേറ്റത്. സംഭവം സ്ഥലത്തു നേവിയുടെ ഉദ്യോഗസ്ഥര്‍ പരിശീലനം നടത്തിയിരുന്നു. പരിശീലനത്തിനിടെ, വെടിയുണ്ട അബദ്ധത്തില്‍ തട്ടി തെറിച്ച് സെബാസ്റ്റ്യന്റെ ചെവിയില്‍ പതിച്ചതാവാമെന്നാണ് പൊലീസിന്റെ പ്രാഥമിക നിഗമനം. പൊലീസ് അന്വേഷണം ആരംഭിച്ചിട്ടുണ്ട്. നാവിക പരിശീലന ക്രേന്ദ്രത്തിനു സമീപം മത്സ്യത്തൊഴിലാളിയ്ക്ക് വെടിയേറ്റ സംഭത്തിൽ സമഗ്രമായ അന്വേഷണം വേണമെന്ന് എഐവൈഎഫ് ജില്ലാ കമ്മിറ്റി ആവശ്യപ്പെട്ടു.
സംഭവവുമായി ബന്ധപ്പട്ട് ഫിഷറിസ് സ്റ്റേഷനിൽ പരാതി നൽകിയട്ടുണ്ട്. ജീവൻ വരെ നഷ്ടപ്പെടാമായിരുന്ന ഈ വിഷയത്തിൽ അടിയന്തരമായി അന്വേഷണം നടത്തി വസ്തു പുറത്തകൊണ്ടുവന്നു. കുറ്റക്കാർക്ക് എതിരെ നടപടി എടുക്കണമെന്ന് എഐവൈഎഫ് എറണാകുളം ജില്ലാ പ്രസിഡന്റ് പി കെ രാജേഷ്, സെക്രട്ടറി കെ ആർ റെനീഷ് എന്നിവർ അവശ്യപ്പെട്ടു.
English Summary: A fisherman was shot at sea in Fort Kochi
You may like this video also
