താമരശ്ശേരി ചുരത്തിൽ കൂറ്റൻ പാറ അടര്ന്ന് വീണ് അപകടം. ഇന്ന് രാവിലെ 11.50ഓടെയാണ് സംഭവം. പാറ ഇളകി വീണതോടെ ഇതോടൊപ്പമുള്ള പാറക്ഷണങ്ങളും മണ്ണും റോഡിലേക്ക് വീഴുകയായിരുന്നു. സംഭവത്തെ തുടര്ന്ന് ചുരത്തിൽ ഭാഗികമായി ഗതാഗതം തടസപ്പെട്ടിരുന്നു. താമരശ്ശേരി ചുരത്തിലെ ഒമ്പതാം വളവിന് താഴെ റോഡിന് അധികം വീതിയില്ലാത്ത ഇടുങ്ങിയ ഭാഗത്തെ കൂറ്റൻ പാറ അടര്ന്ന് റോഡിലേക്ക് വീണത്. ഇതുവഴി വാഹനങ്ങള് കടന്നുപോകാത്തതിനാലാണ് വലിയ അപകടം തലനാരിഴക്ക് ഒഴിവായത്. നേരത്തെ പാറ തെറിച്ച് വീണ് ബൈക്ക് യാത്രികൻ മരിച്ച സംഭവം ഉള്പ്പെടെയുണ്ടായിരുന്നു.
താമരശ്ശേരി ചുരത്തിൽ കൂറ്റൻ പാറ അടര്ന്ന് വീണു
