ബംഗളൂരുവിൽ നിന്ന് കോഴിക്കോട്ടേക്ക് വരികയായിരുന്ന കെഎസ്ആർടിസി സ്വിഫ്റ്റ് ഡീലക്സ് ബസിന് തീപിടിച്ചു. മലയാളികൾ ഉള്പ്പെടെയുള്ള യാത്രക്കാര് രക്ഷപെട്ടത് തലനാരിഴയ്ക്ക്. മൈസൂരുവിന് സമീപം നഞ്ചൻകോട്ട് പുലർച്ചെ രണ്ടു മണിയോടെ ആയിരുന്നു സംഭവം. തീപടരുന്നത് ആദ്യം ഡ്രൈവറുടെ ശ്രദ്ധയില് ആണ് പെട്ടത്.
ഈ സമയം യാത്രക്കാർ ഉറക്കത്തിലായിരുന്നു. തീ പടരുന്നതായി ശ്രദ്ധയിൽപ്പെട്ടതോടെ ഡ്രൈവറും കണ്ടക്ടറും യാത്രക്കാരെ അതിവേഗം പുറത്തിറക്കുകയായിരുന്നു.40ലേറെ യാത്രക്കാരാണ് ബസിലുണ്ടായിരുന്നത്. ബസിന്റെ മുൻഭാഗത്താണ് ആദ്യം തീപടർന്നത്. പുക ഉയരുന്നത് പിന്നാലെ വന്ന വാഹനങ്ങളിലുള്ളവരുടെ ശ്രദ്ധയിൽപെടുകയായിരുന്നു. ബസ് പൂർണമായും കത്തിനശിച്ചു. KL 15 A 2444 എന്ന സ്വിഫ്റ്റ് ബസ് ആണ് കത്തിയത്.