മോശപ്പെട്ട രീതികള്‍ കാണിച്ചിട്ടുള്ള ഒരാളെയും ഇടതുപക്ഷ സര്‍ക്കാര്‍ സംരക്ഷിക്കില്ലെന്ന് മന്ത്രി പി പ്രസാദ്. പൊതുസമൂഹത്തിന് ബോധ്യപ്പെടാന്‍ കഴിയാത്ത തരത്തിലുള്ള പ്രവര്‍ത്തനം നടത്തുന്ന ഏതൊരാള്‍ക്കും സര്‍ക്കാര്‍ സംരക്ഷണം നല്‍കില്ല. ഒരു ഷേഡി കാരക്ടറിനെയും സംരക്ഷിക്കുന്നത് സര്‍ക്കാരിന്റെ നയമല്ലെന്നും അദ്ദേഹം പറഞ്ഞു. എഡിജിപി എം ആർ അജിത്ത്കുമാർ ആർഎസ്എസ് നേതാക്കളുമായി കൂടിക്കാഴ്ച നടത്തിയതിനെക്കുറിച്ചുള്ള മാധ്യമപ്രവര്‍ത്തകരുടെ ചോദ്യങ്ങള്‍ക്ക് മറുപടി നല്‍കുകയായിരുന്നു മന്ത്രി. മുഖ്യമന്ത്രി മലപ്പുറത്തെ അധിക്ഷേപിച്ചു എന്ന തരത്തിലുള്ള പ്രചരണം രാഷ്ട്രീയപ്രേരിതമാണെന്നും ഒരു നാടിനെയും വേറിട്ട് കാണാൻ ഇടതുപക്ഷത്തിനാകില്ലെന്നും മന്ത്രി മാധ്യമ പ്രവര്‍ത്തകരോട് പറഞ്ഞു.
മോശപ്പെട്ട രീതികള്‍ കാണിച്ചിട്ടുള്ള ഒരാളെയും ഇടതുപക്ഷ സര്‍ക്കാര്‍ സംരക്ഷിക്കില്ല; മന്ത്രി പി പ്രസാദ്
