വീട്ടുജോലിക്കാരിയെ പീഡിപ്പിച്ചെന്നാരോപിച്ച് ആസാമിലെ ദിമ ഹസാവോയിൽ ആര്‍മി മേജറിനെയും ഭാര്യയെയും അറസ്റ്റ് ചെയ്തു. വീട്ടുജോലിക്കായി നിര്‍ത്തിയ പ്രായപൂര്‍ത്തിയാകാത്ത പെണ്‍കുട്ടിയെയാണ് ഇവര്‍ ശാരീരിക പീഡനത്തിനിരയാക്കിയത്.
“കരസേനാ മേജർക്കും ഭാര്യയ്ക്കും എതിരെ പ്രഥമദൃഷ്ട്യാ തെളിവുകൾ കണ്ടെത്തി, കേസുമായി ബന്ധപ്പെട്ട് അവരെ അറസ്റ്റ് ചെയ്യുകയും ജുഡീഷ്യൽ കസ്റ്റഡിയിലേക്ക് മാറ്റുകയും ചെയ്തു. സംഭവത്തില്‍ കൂടുതൽ അന്വേഷണം നടക്കുന്നു. പ്രതികള്‍ക്കെതിരെ കർശന നടപടിയെടുക്കും,” എസ്പി മായങ്ക് കുമാർ പറഞ്ഞു.
ഇന്ത്യൻ ശിക്ഷാ നിയമം, എസ്‌സി, എസ്ടി (അതിക്രമങ്ങൾ തടയൽ) നിയമം, ലൈംഗിക കുറ്റകൃത്യങ്ങളിൽ നിന്ന് കുട്ടികളെ സംരക്ഷിക്കൽ (പോക്‌സോ) ആക്‌ട് എന്നിവയുടെ വിവിധ വകുപ്പുകൾ പ്രകാരമാണ് ഹഫ്‌ലോംഗ് പോലീസ് സ്‌റ്റേഷനിൽ കേസ് രജിസ്റ്റർ ചെയ്തിരിക്കുന്നതെന്ന് കുമാർ പറഞ്ഞു. പെൺകുട്ടിക്ക് ചികിത്സ ഉൾപ്പെടെ ആവശ്യമായ സഹായങ്ങൾ നൽകുന്നുണ്ടെന്നും അദ്ദേഹം കൂട്ടിച്ചേർത്തു.
English Summary: A minor domestic worker was molested; Army Major and his wife arrested
You may also like this video
