കരിപ്പര്‍ വിമാനത്താവളത്തില്‍ വീണ്ടും സ്വര്‍ണവേട്ട. വായില്‍ ഒളിപ്പിച്ച് കടത്തിയ 29 പവന്‍ സ്വര്‍ണാമാണ് കാസര്‍കോട് സ്വദേശിയായ യാത്രക്കാരനില്‍ നിന്ന് പിടികൂടിയത്. പെരുമ്പള വലിയമൂല സ്വദേശി അബ്ദുൽ അഫ്സൽ (24) ആണ് പിടിയിലായത്. എട്ട് കഷണങ്ങളാക്കി വായിക്കുള്ളില്‍ സ്വര്‍ണം ഒളിപ്പിച്ച് കടത്താനാണ് ശ്രമിച്ചത്. മാസ്ക് ധരിച്ചാണ് ഇയാള്‍ എത്തിയത്. 233 ഗ്രാം സ്വര്‍ണവുമായി ഇയാള്‍ ഷാര്‍ജയില്‍ നിന്നാണ് എത്തിയത്. കസ്റ്റംസ് പരിശോധനയ്ക്ക് ശേഷം ഇയാള്‍ പുറത്തിറങ്ങിയെങ്കിലും ജില്ല പൊലീസ് മേധാവി എസ്.സുജിത് ദാസിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ ഇയാളെ പൊലീസ് കസ്റ്റഡിയിൽ എടുക്കുകയായിരുന്നു. കോഴിക്കോട് വിമാനത്താവളത്തിലെത്തിയ മറ്റു രണ്ട് യാത്രക്കാരിൽനിന്നും സ്വർണം പിടികൂടി.
English Summary:A native of Kasaragod was arrested with 29 Pawan of gold hidden in his mouth
You may also like this video
