ഒമ്പത് വയസ്സുകാരിയെ പ്രായപൂർത്തിയാകാത്ത രണ്ട് ആൺകുട്ടികൾ ചേര്‍ന്ന് ബലാത്സംഗത്തിനിരയാക്കി. ഉത്തര്‍പ്രദേശിലെ മഥുരയിലാണ് സംഭവം. ബലാത്സംഗത്തിന്റെ ദൃശ്യങ്ങള്‍ പകര്‍ത്തിയ ഇവര്‍, സംഭവം പുറത്തുപറഞ്ഞാല്‍ സമൂഹമാധ്യമത്തില്‍ ഇത് പങ്കുവയ്ക്കുമെന്ന് പെണ്‍കുട്ടിയെ ഭീഷണിപ്പെടുത്തുകയും ചെയ്തു. ഇരയുടെ ബന്ധുക്കൾ നൽകിയ പരാതിയുടെ അടിസ്ഥാനത്തിൽ എഫ്‌ഐആർ രജിസ്റ്റർ ചെയ്ത് പെൺകുട്ടിയെ വൈദ്യപരിശോധനയ്ക്ക് അയച്ചതായി ഹൈവേ പൊലീസ് സ്റ്റേഷനിലെ സ്റ്റേഷൻ ഹൗസ് ഓഫീസർ (എസ്എച്ച്ഒ) ഛോട്ടേ ലാൽ പറഞ്ഞു.
ശനിയാഴ്ച വൈകീട്ട് പെൺകുട്ടി വീട്ടിൽ തനിച്ചായിരുന്ന സമയത്താണ് സംഭവം നടന്നതെന്ന് ബന്ധുക്കൾ പറഞ്ഞു. അയൽപക്കത്ത് താമസിക്കുന്ന ആൺകുട്ടികൾ വീട്ടിൽ കയറി പീഡിപ്പിക്കാൻ തുടങ്ങി. പ്രതിഷേധിച്ചപ്പോൾ അവർ അവളെ ബലാത്സംഗം ചെയ്തു.
English Summary: A nine-year-old girl was mol ested by two minors and the footage was captured
You may also like this video
